Un vertice (spuntato) sul clima a Copenaghen

di Nino Del Duca

13-12-2009

" ‘O mare s'è agliuttùto via Caracciolo,

addo' ce steva ‘a Villa è surtanto acqua,

‘o Maschio Angioino è addeventàto n'isola

e Mergellina nun esiste cchiù"

 

Un incubo tremendo.  Non capivo

e dicevo a me stesso - nun pò essere... -

Po', finalmente, me songo scetàto,

ma chistu suonno nun m' ‘o scordo cchiù.

 

Dice ca ‘e suonne rispecchieno ‘e penziere

ca nuie tenìmmo nella nostra mente

e tutto chello ca ce fà paura

dint' ‘e suonne ‘o vvedìmmo overamente.

 

So' certo ca ‘o mutivo del mio incubo

io lo conosco. È stato il fallimento

del vertice sul clima. ‘E capezzùne,

i cosìdetti  Grandi della Terra,

invece ‘e s'accurda' su come fare

per riparare ‘e guaie ca già ce stanno

e limitare i danni nel futuro,

se songhe fatte ‘na chiàta ‘e spalle

rimandando qualunque decisione.

Chesto nun è surtanto cretinaggine,

chesto, p' ‘a Terra, è l'autodistruzione.

 

Gli scenziati se sentono impotenti

e se mèttono ‘e mmane ìnt' ‘e capìlle:

" Ma comme, nuie l'avìmmo dimostrato

ca tutto ‘stu calore provocato

dai gass ca mannàmmo nello spazio

fà squaglia' ‘o ghiaccio ca ce stà nei poli

e ogni città di mare, pe' ‘stu fatto,

sarà sommersa senza avere scampo...

 

E ‘st'incoscienti se mèttono a discutere

parlanno ‘e privilegi ed interessi

senza capi' che, agendo in questo modo,

fanno sultanto fessi a loro stessi.

 

Niciuno ce pò mèttere riparo,

ca tu prutieste, che prutieste affa'?

Io, pe' tramente, me so' mmìso a posto

con la coscienza e i futuri discendenti.

Me songo fatto fa' ‘n ingrandimento

d' ‘o panorama ‘e Napoli, a colori,

che fà vede' ‘o munno quant' è bello

si nuie nun ‘o facìmmo scarrupa'.

 

Voglio lasciarlo ai posteri nel caso

ca ‘o mare overamente allaghi tutto

pe' colpa ‘e chi, pensanno all'interesse,

difende " ‘o business" e ride ‘nfaccia                                                                       

a chi vuole difendere l'Ambiente

ca è necessario pe' pute' campa'.