Le poesie

Colloquio senza conclusione

di Nino Del Duca

18-10-2009

Ieri notte parlavo con mia moglie

stìso int' ‘o lietto, prima ‘e m'addurmi'

e le dicevo: " ‘A ggente ave raggione

quando chiede il diritto ‘e fatica',

nun sulo p' ‘e  denàre (ca è importante,

senza di quelli , cumme fai a campa'?)

ma pure per rispetto di sè stessi,

chi è parassita e campa ‘e spalle ‘ell'ate

non è stimato dalla società.

 

D'altro canto, ‘o patrone ca te pava,

si nun tène fatica, che   pò  ffa'?

Si barcamena  pe' ‘nu poco ‘e tiempo,

astregne ‘e spese, fà ‘o dèbbeto cu ‘a Banca

e poi,  per non andare in fallimento

dice: "Mi spiace, ma t'àggia licenzia'.

 

E chesto è ‘o brutto della situazione,

nun saie tu stesso a chi vuo' da' ragione.

 

Fanno cconvegni, studi, conferenze,

però ‘o prublema resta sempe llà,

nisciunu  prufessore dice: " Eureka,

tengo la soluzione - Eccola quà ".

 

Io nun saccio parla' d'Economia

(nun tengo ‘e scole cumme a chilli llà...)

Però mi chiedo: fanno tanta càlcule

e ‘o cunto nun ‘o fanno mai turna',

quando abbastàsse sulo ca dicessero:

 

 

"Nuie ‘ncopp' ‘a terra simme tante e tante,

‘nce vonno tanta scarpe, tanta ‘mbrielle,

tantu mangia'... e così seguitànno.

Spartìmmece il lavoro fra noi tutti,

e dàmmo a ognuno ‘o canzo ‘e fatica'

pe' sta' sereno, in pace e liberrtà.

 

Finirebbero ‘e lotte fratricide,

doppo ‘a fatica, ‘a ggente s'assettàsse

e se guardasse la televisione,

o, meglio, se facesse con gli amici

una bella partita di scopone.

E nun ce stesse cchiù ‘sta cosa assurda:

- Chi stà  riùno e chi invece  iètte ‘o buono".

 

Che me dice, muglie', nun fosse bello

si ‘stu fatto putèsse funziona'?

 

"Caro marito mio, tu  parle a schiòvere...

Te si scurdato ca l'Umanità,

‘a quanno ‘o munno è munno, è sempe ‘a stessa,

nisciuno  prufessore ‘a  pò cagna'...

 

Sì, fosse bello, ma pure si ‘o discorso

‘o continuàmmo ‘a mò fino a dimane

‘a conclusione nun se pò truva'...

Fatte capace...

 

...e nun me cellechia'...

"Stasera ho mal di testa "... e tengo suonno,

leva ‘sta  mana e fatt' ‘a parte e llà"

 

 

 

Il palinsesto di oggi